രാത്രി
നീല നിറമുള്ള ഒരുപാടേറെ
രാത്രികളെ ഞാനറിയും.
ചിലപ്പോളവയില്
മഞ്ഞു പെയ്യുന്നുണ്ടാകും-
വെറുതെ ഞാന്
നിങ്ങളെ നോക്കി നില്ക്കും.
ചിലപ്പോള് മഴപെയ്യും-
കുടയെടുക്കാന് മിനക്കിടാതെ ഞാന്
നിങ്ങളിലേക്കിറങ്ങി നടക്കും.
പഴുത്തിലയും വീണ്
കഴിഞ്ഞാല് ഒരുപക്ഷേ
നിങ്ങളെന്റെ മുന്നില്
തെളിഞ്ഞ് തന്നെ വന്നേക്കാം -
ഓര്ക്കുക- നിങ്ങളെ
ഞാന് കളങ്കപ്പെടുത്തിയേക്കാം.
ചുകന്ന രാത്രികളില്
നിന്നും ഞാനോടിയൊളിക്കാറുണ്ട്
എന്നാലും രാത്രികളേ,
എനിക്ക് നിങ്ങളെ
ഒരുപാടിഷ്ടമാണ്।
Labels: A tribue to St Petersburg Nights