രാത്രി
നീല നിറമുള്ള ഒരുപാടേറെ
രാത്രികളെ ഞാനറിയും.
ചിലപ്പോളവയില്‍
മഞ്ഞു പെയ്യുന്നുണ്ടാകും-
വെറുതെ ഞാന്‍
നിങ്ങളെ നോക്കി നില്‍ക്കും.
ചിലപ്പോള്‍ മഴപെയ്യും-
കുടയെടുക്കാന്‍ മിനക്കിടാതെ ഞാന്‍
നിങ്ങളിലേക്കിറങ്ങി നടക്കും.
പഴുത്തിലയും വീണ്
കഴിഞ്ഞാല്‍ ഒരുപക്ഷേ
നിങ്ങളെന്റെ മുന്നില്‍
തെളിഞ്ഞ് തന്നെ വന്നേക്കാം -
ഓര്‍ക്കുക- നിങ്ങളെ
ഞാന്‍ കളങ്കപ്പെടുത്തിയേക്കാം.
ചുകന്ന രാത്രികളില്‍
നിന്നും ഞാനോടിയൊളിക്കാറുണ്ട്
എന്നാലും രാത്രികളേ,
എനിക്ക് നിങ്ങളെ
ഒരുപാടിഷ്ടമാണ്।
Labels: A tribue to St Petersburg Nights
posted by തണുപ്പന്‍ at 1:10 AM
10 Comments:
ഒരുപാടേറെ തെറ്റല്ലേ....
‘ഒരുപാട്’ എന്നാല്‍ ‘ഏറെ’
എഴുതിയത് ഞാനാണെങ്കില്‍-
എഴുതപ്പെട്ടത് എന്‍റെ വികാരമാണെങ്കില്‍,
എനിക്ക് തോന്നിയത് ഒരുപാടിലും കൂടുതലാണെങ്കില്‍,
യാതൊരു തെറ്റുമില്ല വിഷ്ണുമാഷേ.. അല്ലെങ്കില്‍ പിന്നെന്തിനാ വാക്കുകള്‍?
:)
കൊള്ളാം.
:)
എല്ലാ രാത്രികളും ഒരിക്കലും അവസാനിക്കല്ലേ എന്നാഗ്രഹിക്കുന്നുണ്ടാവും...പക്ഷെ....
കൊള്ളാം
kollam mashe
രാത്രികള്‍. ഓരോ പകലിനും ഓരോ രാത്രിയുള്ളപ്പോള്‍, രാത്രികളേയും ഇഷ്ടപ്പെടാതിരിക്കുന്നതെങ്ങനെ!
ഈ കൊച്ചു കവിത വളരെ ഇഷ്ടമായി.
ഏഴു സുന്ദര രാത്രികള്‍....... എന്നു തുടങ്ങുന്ന ഒരു ഗാനം മനസ്സിലും, ചുണ്ടിലുമെത്തി ഇതു വായിച്ചപ്പോള്‍.
തണുപ്പന്‍‌റ്റെ അഭിപ്രായ്ത്തോട് യോജിക്കുന്നു,
അധികപ്പ്രാധാന്യം കാണിക്കാന്‍ പലപ്പോഴും
എഴുത്തുകാരന് പലപ്പോഴും
വ്യാകരണത്തെ മാറ്റിനിര്‍ത്തേണ്ടിവരുന്നു.
ജിബുവേ, നിന്റെ ബ്ലോഗില്‍ എട്ടുകാലി മാറാല കെട്ടി തുടങ്ങാന്‍ തുടങ്ങുമ്പോള്‍ ഇങ്ങിനെ ഒരു തിരിച്ചു വരവ് നടത്തിയത് നന്നായി.
ആശംസകള്‍.
കവിത എനിക്കിഷ്ടായി...പിന്നെ പ്രൊഫൈലില്‍ നിന്ന് ഇനി ആ സെന്റ് പീറ്റേഴ്സ് ബര്‍ഗൊക്കെ എടുത്ത് മാറ്റി പൂശ് മോനെ ദിനേശാ നാട്ടീന്നാന്ന്...
നമ്മുടെ ആ സെന്റ് പീറ്റേഴ്സ് ഡേയ്സിനെ കുറിച്ച് നീ എഴുതണാ, അതോ ഞാനോ? എയര്‍പോര്‍ട്ട്, മുളക്, വണ്ടി, യാത്ര.....ഡാന്‍സ്......കുക്കിങ്ങ്......ഡോ ഫയാസ്, ഏലിയന്‍........ഹമ്മോ.....എന്തെല്ലാം ഓര്‍മ്മകള്‍.....പാതിരാത്രിക്ക് ഹെത്സിങ്കിക്ക് പോകാനിരുന്നത് ആലോചിക്കുമ്പോള്‍ ......ഉം...
ഭാവുകങ്ങള്‍.
നാട്ടിലെ ആശുപത്രി പ്രാക്റ്റീസിങ്ങ് ഒക്കെ ശരിക്കും നടക്കുന്നുണ്ടാകും എന്ന് കരുതുന്നു,.
Post a Comment
<< Home